بدايتي مع التمرين كانت قبل ثلاث سنين، كنت وقتها سمين ومو متقبل جسمي، وكل يوم كنت أقول لنفسي لازم أتغير. بدأت بخطوة بسيطة، ومع الوقت صار التمرين جزء من حياتي، مو بس نشاط أسويه وخلاص، صار شغف حقيقي. تعلمت وش معنى الالتزام والانضباط، وصرت أعرف نفسي أكثر.

مع الوقت، ما صار اهتمامي بالتمرين بس، بدأت أشوف الموضوع كأسلوب حياة كامل: نومي، أكلي، توازني النفسي، وحتى نظرتي للحياة كلها تغيّرت. اكتشفت إن التغيير الحقيقي يبدأ من التفاصيل الصغيرة اللي نستهين فيها.

ومن هنا بدأ شغفي بالتعمق أكثر، ما كنت أبي أكون مجرد شخص يرفع حديد، كنت أبي أفهم الجسم والعقل وشلون يتوازنون مع بعض. صرت أقرأ وأتعلم عن التغذية والصحة وكل شي له علاقة بتطوير النفس والجسم.

هدفي اليوم واضح: ما أبي أكون مدرب يعطي جدول تمارين وينتهي الموضوع، أبي أكون شخص يساعد كل واحد يلاقي الأسلوب اللي يناسب حياته، ويستمر عليه، ويشوف نتائج حقيقية تغيّر نظرته لنفسه وحياته.


رحلتي كانت بداية، ومنها أبي أساعد غيري يبدأ رحلته هو بعد، بطريقته اللي تناسبه هو، مو غيره